სკოლის მოსწავლეებთან წყლის თემატიკაზე საინფორმაციო შეხვედრა გაიმართა
წყლის რესურსის მოპოვებისა და წყლის რაციონალურად გამოყენების თემატიკაზე გაერთიანებული წყალმომარაგების კომპანია რეგიონების საჯარო სკოლებში მოსწავლეებთან შეხვედრებს აქტიურად განაგრძობს.
წყლის მნიშვნელობაზე შეხვედრები ქ.ქუთაისის აკაკი წერეთლის სახელობის პირველ საჯარო სკოლაში, ქ.ზესტაფონის მე-4 საჯარო სკოლასა და ქ.სამტრედიის მე-11 საჯარო სკოლაში გაიმართა.
V კლასის მოსწავლეებთან, წყლის თემატიკაზე, წყალმომარაგების კომპანიის აზიის განვითარების ბანკის (ADB) მიერ დაფინანსებული პროექტების გარემოს დაცვის კონსულტანტმა, ქეთევან ჩომახიძემ ისაუბრა.
მოსწავლეებში დიდი ინტერესი გამოიწვია საკითხებმა - თუ რა გზას გადის წყალი მოპოვებიდან ჩვენს ონკანამდე, როგორი უნდა იყოს სუფთა წყალი, კლიმატის ცვლილება და წყლის რესურსები, როგორ უნდა გავუფრთხილდეთ წყალს და ა.შ.
თემის ამომწურავად წარდგენის შემდეგ, შეხვედრა კითხვა-პასუხის რეჟიმში გადავიდა. მოსწავლეებმა ამომწურავად მიიღეს ინფორმაცია მათთვის საინტერესო კითხვებზე.
წყალმომარაგების კომპანია, სხვადასხვა მუნიციპალიტეტის საჯარო სკოლაში, მოსწავლეებთან წყლის თემატიკაზე საინფორმაციო შეხვედრებს მომავალშიც გამართავს.
