სოფლების - ცხვარიჭამიას, თეზამისა და კევლიანის 24 - საათიანი წყალმომარაგებისთვის სამუშაოები აქტიურად გრძელდება
2026-08-21
საქართველოს ინფრასტრუქტურის სამინისტროს გაერთიანებული წყალმომარაგების კომპანია მცხეთის მუნიციპალიტეტის სოფლებში - ცხვარიჭამიაში, თეზამსა და კევლიანში წყალმომარაგების თანამედროვე ინფრასტრუქტურას აშენებს.
პროექტის ფარგლებში გათვალისწინებულია ახალი რეზერვუარის მოწყობა, არსებული რეზერვუარის რეაბილიტაცია და სატუმბი სადგურის მშენებლობა. ასევე, მოეწყობა 11 კმ - მდე სიგრძის მაგისტრალური მილსადენი და 63 კმ - მდე წყალმომარაგების ქსელი.
პროექტის დასრულების შემდეგ, აღნიშნულ სოფლებში მცხოვრები 2 400-მდე ოჯახი 24 - საათიანი, უწყვეტი წყალმომარაგებით იქნება უზრუნველყოფილი.
პროექტის განსახორციელებლად სახელმწიფო ბიუჯეტიდან 11 მილიონ ლარამდეა გამოყოფილი. სამუშაოების დასრულება მიმდინარე წლის ბოლოს იგეგმება.
