გურჯაანში წყლისა და წყალარინების სისტემების მშენებლობა-რეაბილიტაცია გრძელდება
2021-11-10
გაერთიანებული წყალმომარაგების კომპანია, ქალაქ გურჯაანში წყლისა და წყალარინების სისტემების სამშენებლო-სარეაბილიტაციო სამუშაოებს აქტიურად აგრძელებს.
გურჯაანის მოსახლეობა 24 საათიანი წყალმომარაგებით სარგებლობს, თუმცა ზაფხულის სეზონის დადგომისთანავე, დებიტის სიმცირიდან გამომდინარე წყალი შეზღდუვით მიეწოდებათ. რეაბილიტაციას საჭიროებს წყალარინების სისტემაც. რიგ უბნებში საკანალიზაციო ქსელი არ არსებობს.
სამუშაოების შედეგად, ძველი, ამორტიზებული წყლის მილები ჩანაცვლდება ახლით, რაც აღმოფხვრის წყალმომარაგების კუთხით არსებულ პრობლემებს. ასევე, ქალაქის მასშტაბით მოეწყობა ახალი წყალარინების თანამედროვე ინფრასტრუქტურა.
პროექტს სახელმწიფო ბიუჯეტის დაფინანსებით 3,6 მილიონ ლარზე მეტი მოხმარდება და მისი დასრულება 2022 წლის ზაფხულშია დაგეგმილი.
