სოფელ მანავის წყალმომარაგებისთვის სამუშაოები აქტიურად გრძელდება
2021-11-08
საგარეჯოს მუნიციპალიტეტის სოფელ მანავის წყალმომარაგების ინფრასტრუქტურის განახლებისთვის საჭირო სამუშაოები აქტიურად მიმდინარეობს.
პროექტს სახელმწიფო ბიუჯეტის დაფინანსებით 9 მლნ ლარამდე მოხმარდება.
დღეის მდგომარეობით, სოფელში არ არსებობს წყალმომარაგების ცენტრალიზებული სისტემა. მოსახლეობა წყალს წყაროებისა და ჭაბურღილების მეშვეობით იღებს.
პროექტი ითვალისწინებს წყალმომარაგების ქსელების, მაგისტრალების, წყლის სათავე ნაგებობების, სატუმბო სადგურისა და რეზერვუარის მოწყობას.
სამუშაოების შედეგად, სოფელ მანავში 24 საათიანი, ხარისხიანი წყალმომარაგებით 4 000-ზე მეტი ადამიანი შეძლებს სარგებლობას.
