შპს "საქართველოს გაერთიანებული წყალმომარაგების კომპანია" აცხადებს კანდიდატთა შერჩევას სახელმწიფო შესყიდვების დეპარტამენტის ანგარიშგებისა და ბაზრის კვლევის სამსახურის II კატეგორიის სპეციალისტის პოზიციაზე

შპს "საქართველოს გაერთიანებული წყალმომარაგების კომპანია" აცხადებს კანდიდატთა შერჩევას სახელმწიფო შესყიდვების დეპარტამენტის ანგარიშგებისა და ბაზრის კვლევის სამსახურის II კატეგორიის სპეციალისტის პოზიციაზე.

სამუშაო ადგილი: თბილისი
სამუშაო გრაფიკი: სრული

ფუნქცია-მოვალეობები:

** "სახელმწიფო შესყიდვების შესახებ" საქართველოს კანონის საფუძველზე შესყიდვების წლიური გეგმის შემუშავება;
** "შემსყიდველი ორგანიზაციის ანგარიშგების წესის დამტკიცების შესახებ" სახელმწიფო შესყიდვების სააგენტოს თავმჯდომარის 2011 წლის 10 თებერვლის №2 ბრძანებით დადგენილი ვალდებულების შესრულება;
** შესრულებული სამუშაოების შესახებ ყოველთვიური, კვარტალური, წლიური ანგარიშების წარმოება და წარდგენა უშუალო ხელმძღვანელისთვის;
** სახელმწიფო შესყიდვების დეპარტამენტის მიერ გაფორმებული ხელშეკრულებების თაობაზე ინფორმაციული ხასიათის მონიტორინგი (ღირებულება, მიწოდების ვადა, მოქმედების ვადა და სხვა);
** სახელმწიფო შესყიდვების დეპარტამენტის მიერ გაფორმებული ხელშეკრულებების ანგარიშგებისა და ბიუჯეტირების (ეფემჯი) პროგრამაში ასახვა;
** მიმწოდებლის მიერ, სახელმწიფო შესყიდვის შესახებ გაფორმებული ხელშეკრულებებით ნაკისრი ვალდებულებების შეუსრულებლობის შემთხვევაში, კანონმდებლობით დადგენილი ღონისძიებების გატარება;
** კვარტალური და წლიური ანგარიშების დროული მომზადება;
** კომპეტენციის ფარგლებში უშუალო უფროსის სხვა დავალებების შესრულება.

საკვალიფიკაციო მოთხოვნები:

** უმაღლესი განათლება: სავალდებულოა ბაკალავრის აკადემიური ხარისხი; მიმართულება/დარგი/სპეციალობა: პრიორიტეტია ეკონომიკა/ფინანსები/ სამართალი;
** სამუშაო გამოცდილება: სასურველია სახელმწიფო შესყიდვების სფეროში მუშაობის არანაკლებ 1 წლის სტაჟი;
** უცხო ენა: სასურველია ინგლისური ენის ცოდნა;
** საოფისე კომპიუტერული პროგრამები: სავალდებულო - Microsoft Office Word, Microsoft Office Excel, Microsoft Office Outlook ცოდნა.

პიროვნული მახასიათებლები:

** ანალიტიკური აზროვნების უნარი;
** გუნდური მუშაობის უნარი;
** პასუხისმგებლობის მაღალი გრძნობა;
** დეტალებზე ორიენტირებულობა;
** პუნქტუალურობა.

შპს "საქართველოს გაერთიანებული წყალმომარაგების კომპანია" ქმნის თანასწორ და ღირსეულ სამუშაო გარემოს, სადაც განსხვავებული პერსპექტივები დაფასებულია და ნებისმიერი სახის დისკრიმინაცია აკრძალულია კანონის შესაბამისად.

კომპანია ხელს უწყობს მრავალფეროვანი გარემოს შექმნას და გენდერული ბალანსის მიღწევას. კომპანია მიესალმება გამოცხადებულ ვაკანსიებზე, მათ შორის ტექნიკურ პოზიციებზე, ქალი კანდიდატების მიერ განაცხადის შემოტანას და უზრუნველყოფს თანაბარი პირობებისა და შესაძლებლობების მქონე სამუშაო გარემოს შექმნას.

დაინტერესებულმა პირებმა მიმდინარე წლის 17 აპრილის ჩათვლით გამოაგზავნეთ რეზიუმე (CV) შემდეგ მისამართზე: konkursi@water.gov.ge

გთხოვთ, წერილის სათაურში მიუთითოთ პოზიციის დასახელება, წინააღმდეგ შემთხვევაში განაცხადი არ განიხილება.

დაკავშირება მოხდება მხოლოდ შერჩეულ კანდიდატებთან.

გისურვებთ წარმატებას!

დამატებითი ინფორმაცია:

გაცნობებთ, რომ შპს "საქართველოს გაერთიანებული წყალმომარაგების კომპანია" ახორციელებს კანდიდატის პერსონალური მონაცემების დამუშავებას, ვაკანსიაზე კანდიდატის შესაბამისობის დადგენის მიზნით, "პერსონალურ მონაცემთა დაცვის შესახებ" საქართველოს კანონის მოთხოვნათა შესაბამისად. ინფორმაცია კანდიდატის შესახებ ასევე შესაძლოა დამუშავდეს სამომავლო ვაკანსიაზე კანდიდატის შესაბამისობის დადგენის მიზნით. ინფორმაცია კანდიდატის შესახებ ინახება არაუმეტეს 1 წლის (შეიძლება განისაზღვროს უფრო ნაკლები ვადა) ვადით. რეზიუმეს/CV-ს გამოგზავნით კანდიდატი აცხადებს თანხმობას მისი პერსონალური მონაცემების აღნიშნული საფუძვლით დამუშავებაზე.

---