დირექტორი




ეკატერინე გალდავა - საქართველოს გაერთიანებული წყალმომარაგების კომპანიის დირექტორი.

 

ეკატერინე გალდავას გააჩნია კერძო და სახელმწიფო სექტორში მუშაობის მრავალწლიანი გამოცდილება. სხვადასხვა დროს ეკავა მმართველი პოზიციები საქართველოს ეროვნულ ბანკსა და საერთაშორისო სავალუტო ფონდში. 2005-2007 წლებში იყო ეროვნული ბანკის ვიცე-პრეზიდენტი, საბჭოს წევრი.

გაერთიანებული წყალმომარაგების კომპანიის დერექტორად დანიშვნამდე იკავებდა რეგიონული განვითარებისა და ინფრასტრუქტურის სამინისტროს ინფრასტრუქტურის პოლიტიკისა და განვითარების პარტნიორებთან ურთიერთობის დეპარტამენტის უფროსის პოზიციას. მანამდე იყო გაერთიანებული წყალმომარაგების კომპანიის დირექტორის მოადგილე ფინანსურ საკითხებში. 2015 წლამდე კერძო სექტორში საქმიანობდა.

ეკატერინე გალდავა პროფესიით ეკონომისტია. მაგისტრის ხარისხი მიღებული აქვს განვითარებადი ქვეყნების ეკონომიკაში ( აშშ, ვილიამს კოლეჯი). დამთავრებული აქვს თბილისის სახელმწიფო უნივერსიტეტის ეკონომიკის ფაკულტეტი.

ფლობს ინგლისურ და რუსულ ენებს.

დაიბადა 1970 წლის 4 აპრილს, თბილისში.