ADB-ის ორგანიზებით გარემოს დაცვის საკითხებზე რეგიონული სამუშაო შეხვედრა გაიმართა
აზიის განვითარების ბანკის (ADB) ორგანიზებით, გარემოს დაცვის საკითხებზე სამდღიანი რეგიონული სამუშაო შეხვედრა ბათუმში გაიმართა. სემინარზე რამდენიმე ქვეყნის 85-ი წარმომადგენელი, მათ შორის გაერთიანებული წყალმომარაგების კომპანიის თანამშრომლები მონაწილეობდნენ.
შეხვედრის ფარგლებში, მონაწილე ქვეყნებმა გარემოს დაცვის მონიტორინგის საკითხებზე ერთმანეთს თავიანთი ქვეყნების გამოცდილება გაუზიარეს, გაცვალეს ხედვები და სამომავლო გეგმებზე ისაუბრეს.
სემინარზე ის ქვეყნები იყვნენ ჩართულნი, სადაც საერთაშორისო საფინანსო ინსტიტუტის მხარდაჭერით წყალმომარაგებისა და წყალარინების, ასევე საგზაო ინფრასტურქტურის მიმართულებით მშენებლობა ხორციელდება.
რეგიონული შეხვედრა აზიის განვითარების ბანკის ორგანიზებით ყოველწლიურად სხვადასხვა ქვეყანაში იმართება, ამ ფორმატის შეხვედრას საქართველომ წელს პირველად უმასპინძლა.
