გურჯაანის მოსახლეობას წყალმომარაგება გაუუმჯობესდება
2018-02-10
საქართველოს გაერთიანებული წყალმომარაგების კომპანია ქალაქ გურჯაანში მრავალბინიანი სახლების (კორპუსების) გამრიცხველიანების სამუშაოებს ასრულებს. პროექტი, საქართველოს მთავრობის განკარგულებით გამოყოფილი სახსრებით -788 100 ლარით - დაფინანსდა.
პროექტის ფარგლებში, გამრიცხველიანდა 1907 აბონენტი. 87 საცხოვრებელ კორპუსში შეიცვალა წყალმომარაგების შიდა გამანაწილებელი ქსელი (19 660 გრძივი მეტრი), დამონტაჟდა ჩამკეტ-მარეგულირებელი სარქველები, სადარბაზოებში განთავსდა ინდივიდუალური მრიცხველები.
გურჯაანის მოსახლეობას წყალი, აქამდე, 8 საათიანი გრაფიკით მიეწოდებოდა. გამრიცხველიანების შემდეგ წყალმომარაგების რეჟიმი გაიზრდება და ადგილობრივები სასმელი წყლის გაუმჯობესებული გრაფიკით ისარგებლებენ.
