სიახლეები
საქართველოს გაერთიანებული წყალმომარაგების კომპანია
საქართველოს გაერთიანებული წყალმომარაგების კომპანია

საქართველოს რეგიონული განვითარებისა და ინფრასტრუქტურის მინისტრმა რევაზ სოხაძემ, მინისტრის მოადგილე გიორგი კობერიძესთან, გაერთიანებული წყალმომარაგების კომპანიის დირექტორ ბესიკ ჯიქურაულთან და კახეთის მხარეში სახელმწიფო რწმუნებულ პლატონ კალმახელიძესთან ერთად, გურჯაანში წყალმომარაგების განახლებული ინფრასტრუქტურა დაათვალიერა და განხორციელებული სამუშაოებისა და პროექტების შედეგების შესახებ ინფორმაცია მოისმინა.
ქალაქ გურჯაანში წყალმომარაგების სისტემის რეაბილიტაცია დასრულების ეტაპზეა. განახლებული სისტემა უკვე ექსპლუატაციაშია გაშვებული, ხოლო პროექტით გათვალისწინებული სამუშაოების სრულად დასრულების შედეგად 10 300-მდე ბენეფიციარისთვის 24-საათიანი, უწყვეტი წყალმომარაგება იქნება უზრუნველყოფილი.
პროექტი მოიცავს ვაზისუბნის სათავე ნაგებობის, პირველი და მეორე აწევის სატუმბი სადგურებისა და მათთან დაკავშირებული ინფრასტრუქტურის სრულ რეაბილიტაციას.
უკვე რეაბილიტირებულია ხუთი რეზერვუარი, მოწყობილია 18,2 კილომეტრი მაგისტრალური მილსადენი და 25,3 კილომეტრი წყალმომარაგების ქსელი. ასევე დამონტაჟებულია 19 სახანძრო ჰიდრანტი და 4 100 აბონენტის აღრიცხვის კვანძი.
გურჯაანის მუნიციპალიტეტში დასრულებულია სოფლების — კაჭრეთისა და ზემო კაჭრეთის წყალმომარაგების სისტემების განახლების პროექტიც, რომლის შედეგად 3 400-მდე მცხოვრები უკვე სარგებლობს უწყვეტი, 24-საათიანი წყალმომარაგებით.
პროექტის ფარგლებში მოეწყო ოთხი ახალი ჭაბურღილი, აშენდა ორი 500 კუბური მეტრი მოცულობის რეზერვუარი და ორი საქლორატორო. ასევე, მოეწყო 42 კილომეტრი წყალმომარაგების ქსელი და დამონტაჟდა 1 361 აბონენტის აღრიცხვის კვანძი.
ექსპლუატაციის პერიოდში ერთ-ერთი ჭაბურღილის წყალში სულფატების კონცენტრაციის მატების გამო, კონტრაქტორმა კომპანიამ დამატებით დაამონტაჟა უკუოსმოსის ტექნოლოგიაზე დაფუძნებული წყლის გამწმენდი სისტემა, წყლის ხარისხის შესაბამისი მაჩვენებლების უზრუნველსაყოფად.
წყალმომარაგების ინფრასტრუქტურის განახლების პროექტებს საქართველოს რეგიონული განვითარებისა და ინფრასტრუქტურის სამინისტროს გაერთიანებული წყალმომარაგების კომპანია ახორციელებს.
ბოლო განახლებები და მნიშვნელოვანი ინფორმაცია

20 ნოემბერი, 2026
რევაზ სოხაძემ კახეთის რეგიონში დასრულებული და დასრულების ეტაპზე მყოფი წყალმომარაგების პროექტების შესახებ ინფორმაცია მოისმინა და მიმდინარე სამუშაოები განიხილა.

19 ნოემბერი, 2026
რევაზ სოხაძემ აღნიშნა, რომ მომავალში ინფრასტრუქტურული პროექტები ისე დაიგეგმება და განხორციელდება, რომ მოსახლეობისთვის შექმნილი დისკომფორტი მაქსიმალურად შემცირდეს.

19 ნოემბერი, 2026
31 მილიონ ლარზე მეტი ღირებულების პროექტს რეგიონული განვითარებისა და ინფრასტრუქტურის სამინისტროს გაერთიანებული წყალმომარაგების კომპანია სახელმწიფო ბიუჯეტის დაფინანსებით ახორციელებს.

18 ნოემბერი, 2026
სამტრედიაში საქართველოს გაერთიანებული წყალმომარაგების კომპანია წყალმომარაგებისა და წყალარინების სისტემების მშენებლობის ოთხ პროექტს ახორციელებს.

18 ნოემბერი, 2026
ქალაქ თერჯოლაში წყალმომარაგების სისტემის რეაბილიტაცია დასკვნით ეტაპზეა. პროექტის დასრულების შემდეგ 5 330-მდე ადგილობრივი მცხოვრები 24-საათიანი, უწყვეტი წყალმომარაგებით ისარგებლებს.

16 ნოემბერი, 2026
საქართველოს ბიზნეს ასოციაციის (BAG) ორგანიზებით გამართულ ღონისძიებაზე რევაზ სოხაძემ მონაწილეობა მიიღო პანელურ დისკუსიაში „საქართველოს ეკონომიკური გარემო, გამოწვევები, პრიორიტეტები და განვითარების პერსპექტივები“.