სიახლეები
საქართველოს გაერთიანებული წყალმომარაგების კომპანია
საქართველოს გაერთიანებული წყალმომარაგების კომპანია

რეგიონული განვითარებისა და ინფრასტრუქტურის მინისტრი რევაზ სოხაძე, მინისტროს მოადგილეებთან, გაერთიანებული წყალმომარაგების კომპანიის დირექტორ ბესიკ ჯიქურაულთან, შიდა ქართლის მხარეში სახელმწიფო რწმუნებულ სიმონ გულედანთან და კასპის მუნიციპალიტეტის მერთან ერთად, კასპში წყალმომარაგების მიმდინარე პროექტის დეტალებსა და ახალი სერვისცენტრის მშენებლობის მიმდინარეობას გაეცნო. ქალაქ კასპსა და სოფლებში — იგოეთსა და მრგვალ ჭალაში წყალმომარაგების სისტემების მშენებლობა მიმდინარეობს. პროექტის დასრულების შემდეგ 8 000-მდე დამატებითი ბენეფიციარი უწყვეტი, 24-საათიანი წყალმომარაგებით ისარგებლებს. პროექტის ფარგლებში კასპში გათვალისწინებულია 18 კილომეტრამდე, ხოლო იგოეთსა და მრგვალ ჭალაში — 26 კილომეტრამდე წყალმომარაგების ქსელის მოწყობა. ასევე შენდება და რეაბილიტირდება რეზერვუარები, სატუმბი სადგურები და სათავე ნაგებობები. სამუშაოები მოიცავს გორისა და ქარელის წყალმომარაგების ინფრასტრუქტურის განახლებასაც. შედეგად, გორში, სადგურის დასახლებისა და გელდიაშვილის ქუჩის მოსახლეობა უკვე უზრუნველყოფილია სტაბილური წყალმომარაგებით. პარალელურად, კასპში შენდება გაერთიანებული წყალმომარაგების კომპანიის ახალი სერვისცენტრი, ხოლო გორში არსებული სერვისცენტრის რეაბილიტაცია მიმდინარეობს. 31 მილიონ ლარზე მეტი ღირებულების პროექტს რეგიონული განვითარებისა და ინფრასტრუქტურის სამინისტროს გაერთიანებული წყალმომარაგების კომპანია სახელმწიფო ბიუჯეტის დაფინანსებით ახორციელებს.
ბოლო განახლებები და მნიშვნელოვანი ინფორმაცია

19 ნოემბერი, 2026
რევაზ სოხაძემ აღნიშნა, რომ მომავალში ინფრასტრუქტურული პროექტები ისე დაიგეგმება და განხორციელდება, რომ მოსახლეობისთვის შექმნილი დისკომფორტი მაქსიმალურად შემცირდეს.

18 ნოემბერი, 2026
სამტრედიაში საქართველოს გაერთიანებული წყალმომარაგების კომპანია წყალმომარაგებისა და წყალარინების სისტემების მშენებლობის ოთხ პროექტს ახორციელებს.

18 ნოემბერი, 2026
ქალაქ თერჯოლაში წყალმომარაგების სისტემის რეაბილიტაცია დასკვნით ეტაპზეა. პროექტის დასრულების შემდეგ 5 330-მდე ადგილობრივი მცხოვრები 24-საათიანი, უწყვეტი წყალმომარაგებით ისარგებლებს.

16 ნოემბერი, 2026
საქართველოს ბიზნეს ასოციაციის (BAG) ორგანიზებით გამართულ ღონისძიებაზე რევაზ სოხაძემ მონაწილეობა მიიღო პანელურ დისკუსიაში „საქართველოს ეკონომიკური გარემო, გამოწვევები, პრიორიტეტები და განვითარების პერსპექტივები“.

12 ნოემბერი, 2026
სოფელ კაჭრეთსა და ზემო კაჭრეთში 24-საათიანი, უწყვეტი წყალმომარაგებით 3 400-მდე ბენეფიციარი უკვე სარგებლობს.

11 ნოემბერი, 2026
საქართველოს რეგიონული განვითარებისა და ინფრასტრუქტურის სამინისტროს გაერთიანებული წყალმომარაგების კომპანია ქალაქ გურჯაანში წყალმომარაგების სისტემის რეაბილიტაციის პროექტს ახორციელებს.