სიახლეები
საქართველოს გაერთიანებული წყალმომარაგების კომპანია
საქართველოს გაერთიანებული წყალმომარაგების კომპანია

ქალაქ თერჯოლაში წყალმომარაგების სისტემის რეაბილიტაცია დასკვნით ეტაპზეა. პროექტის დასრულების შემდეგ 5 330-მდე ადგილობრივი მცხოვრები 24-საათიანი, უწყვეტი წყალმომარაგებით ისარგებლებს.
საქართველოს რეგიონული განვითარებისა და ინფრასტრუქტურის მინისტრი რევაზ სოხაძე, მინისტრის მოადგილე გიორგი კობერიძესთან, გაერთიანებული წყალმომარაგების კომპანიის დირექტორ ბესიკ ჯიქურაულთან, იმერეთის მხარეში სახელმწიფო რწმუნებულ ლევან ზალკალიანთან და ადგილობრივი ხელისუფლების წარმომადგენლებთან ერთად, პროექტის მიმდინარეობას ადგილზე გაეცნო.
პროექტს საქართველოს რეგიონული განვითარებისა და ინფრასტრუქტურის სამინისტროს გაერთიანებული წყალმომარაგების კომპანია ახორციელებს. სამუშაოების სახელშეკრულებო ღირებულება 15,8 მილიონ ლარს აღემატება.
პროექტის ფარგლებში, სოფელ სიქთარვაში უკვე მოეწყო წყლის გამწმენდი ნაგებობა და 300 კუბური მეტრი მოცულობის რეზერვუარი. საპოვნელას ტერიტორიაზე დასრულდა 2 000 კუბური მეტრი მოცულობის ახალი რეზერვუარის მშენებლობა.
ასევე, მოეწყო ორი სატუმბი სადგური, ორი საქლორატორო და სოფლების — რუფოთისა და ტელეფას წყალმომარაგებისთვის განკუთვნილი 4,65 კილომეტრი სიგრძის მაგისტრალური მილსადენი.
დაგეგმილი 44,5 კილომეტრი სიგრძის წყალმომარაგების ქსელიდან უკვე გაყვანილია 43,6 კილომეტრი. დამონტაჟებულია 74 სახანძრო ჰიდრანტი, ასევე, 1 708 ინდივიდუალური და 175 კომერციული აბონენტის აღრიცხვის კვანძი.
თერჯოლაში დასრულებულია გაერთიანებული წყალმომარაგების კომპანიის ახალი სერვისცენტრის მშენებლობაც. პარალელურად მიმდინარეობს წყალმომარაგების სისტემის დისტანციური მონიტორინგისა და მართვის (SCADA) სისტემის მოწყობა.
ამ დროისთვის პროექტის ფინანსური შესრულება, დადასტურებული სამუშაოების მიხედვით, 86%-ს შეადგენს.
პროექტის დასრულების შედეგად თერჯოლაში მნიშვნელოვნად გაუმჯობესდება წყალმომარაგების ინფრასტრუქტურა და მოსახლეობას უწყვეტი, 24-საათიანი წყალმომარაგება ექნება.
ბოლო განახლებები და მნიშვნელოვანი ინფორმაცია

18 ნოემბერი, 2026
სამტრედიაში საქართველოს გაერთიანებული წყალმომარაგების კომპანია წყალმომარაგებისა და წყალარინების სისტემების მშენებლობის ოთხ პროექტს ახორციელებს.

16 ნოემბერი, 2026
საქართველოს ბიზნეს ასოციაციის (BAG) ორგანიზებით გამართულ ღონისძიებაზე რევაზ სოხაძემ მონაწილეობა მიიღო პანელურ დისკუსიაში „საქართველოს ეკონომიკური გარემო, გამოწვევები, პრიორიტეტები და განვითარების პერსპექტივები“.

12 ნოემბერი, 2026
სოფელ კაჭრეთსა და ზემო კაჭრეთში 24-საათიანი, უწყვეტი წყალმომარაგებით 3 400-მდე ბენეფიციარი უკვე სარგებლობს.

11 ნოემბერი, 2026
საქართველოს რეგიონული განვითარებისა და ინფრასტრუქტურის სამინისტროს გაერთიანებული წყალმომარაგების კომპანია ქალაქ გურჯაანში წყალმომარაგების სისტემის რეაბილიტაციის პროექტს ახორციელებს.

7 ოქტომბერი, 2026
შეხვედრის ფარგლებში ყურადღება გამახვილდა წყლისა და წყალარინების სექტორის განვითარების ძირითად მიმართულებებზე, მათ შორის, კომუნალური მომსახურების ეფექტიანობისა და ოპერაციული საქმიანობის გაუმჯობესებაზე, ჩამდინარე წყლების...

31 აგვისტო, 2026
ოზურგეთის მუნიციპალიტეტში მოსულმა უხვმა ნალექმა მდინარეების ადიდება და წყლის ნაკადის მკვეთრი მატება გამოიწვია. სტიქიურმა პროცესებმა მნიშვნელოვანი ზიანი მიაყენა დაბა ნარუჯის წყალმომარაგების სისტემას.