ადამიანის ერთ-ერთი ფუნდამენტური უფლებაა, მიუწვდებოდეს ხელი უსაფრთხო სასმელ წყალსა და თანაბარ სანიტარულ-ჰიგიენურ პირობებზე. აღნიშნული ფაქტი უმნიშვნელოვანესია ქალების, კაცების, ბიჭების და გოგონების ჯანმრთელობისთვის და კეთილდღეობისთვის.

საქართველოს და მსოფლიოს მიზანია, რომ 2030 წლისთვის ყველა ადამიანს ჰქონდეს უსაფრთხო სასმელი წყალი და სანიტარული პირობები. გაერთიანებული ერების ორგანიზაციის (გაეროს), მდგრადი განვითარების მიზნების ერთ-ერთი მნიშვნელოვანი ამოცანაა, უსაფრთხო და ხელმისაწვდომ სასმელ წყალზე საყოველთაო და თანაბარი წვდომის უზრუნველყოფა.

ასევე ყველა ადამიანისთვის ადეკვატურ და თანაბარ სანიტარულ და ჰიგიენურ პირობებზე წვდომის მიღწევა და ღია დეფეკაციის აღმოფხვრა, განსაკუთრებით ქალებისა და გოგონების, ასევე მოწყვლადი ჯგუფებისთვის[1].

წყალსა და სანიტარიასთან დაკავშირებული საკითხები განსხვავებულ გავლენას ახდენს ქალებსა და კაცებზე, ამის ახსნა კი რამდენიმე ფაქტორით შეიძლება. პირველი ეს არის ბიოლოგიური განსხვავებები და შესაბამისი საჭიროებები, როგორიც არის ჰიგიენის დაცვა მენსტრუალური ციკლის დროს ან/და დედათა ჯანმრთელობა. ასევე სოციალურ-კულტურული ნორმებიდან გამომდინარე, ძირითადად ქალები არიან ჩართულნი ოჯახის წევრებზე ზრუნვასა და სახლში სისუფთავის შენარჩუნებაზე. ძირითად შემთხვევებში ქალები იმარაგებენ წყალს[2]. შესაბამისად, უსაფრთხო და ხელმისაწვდომ წყალსა და სანიტარულ-ჰიგიენურ პირობებზე წვდომა მნიშვნელოვან პოზიტიურ გავლენას ახდენს ქალებსა და გოგონებზე.

წყალი საჭიროა პირადი ჰიგიენის დაცვაშიც. ჰიგიენის წესების დაცვა ხელს უშლის სხვადასხვა დაავადებებისა თუ ინფექციების განვითარებას. ჯანდაცვის მსოფლიო ორგანიზაციის მიერ დადგენილი მონაცემებით, მსოფლიოში სიკვდილიანობის 10 ძირითადი მიზეზიდან დიარეა მე-5 ადგილს იკავებს, ხოლო 5 წლამდე ბავშვებში – მეორე წამყვანი მიზეზია. შემთხვევათა 88% განპირობებულია დაბინძურებული სასმელი წყლითა და შეუსაბამო სანიტარიულ-ჰიგიენური პირობებით[3].

სწორედ ამიტომ, უმნიშვნელოვანესია ჰიგიენის დაცვის შესახებ ინფორმირებულობა, რათა მინიმუმამდე დავიყვანოთ ინფექციებისა და დაავადებების რისკი.  ხელის ჰიგიენა აღიარებულია, როგორც ინფექციათა გადაცემის საუკეთესო პრევენცია.

ხელის დაბანა აუცილებელია:

• საკვების მომზადების წინ, მომზადების პროცესში და შემდეგ;
• საკვების მიღების წინ და შემდეგ; 
• ყველაზე ხშირად შეხებად ზედაპირებთან შეხების შემდეგ (კარის სახელური, საჭე, ლიფტის ღილაკები, პულტი და ა.შ)
• ბავშვთან შეხების წინ;
• ცემინების, ხველების დროს აუცილებელია ხველის ეტიკეტის დაცვა, ასევე ხელის ჰიგიენის ჩატარება;
• ნაგავთან შეხების შემდეგ;
• საზოგადოებრივი თავშეყრის ადგილებში ყოფნის შემდეგ;
• ავადმყოფი ადამიანის მოვლის წინ, პროცესში და შემდეგ;
• ცხოველებთან კონტაქტის შემდეგ;

დაიმახსოვრეთ:

• ხელის დაბანისთვის არ არის აუცილებელი ხილული ჭუჭყის არსებობა, მიკრობების შემჩნევა შეუძლებელია. ჩვენს ორგანიზმში მილიარდობით მიკრობი ბინადრობს;
• თუ წყალი ან საპონი არ არის ხელმისაწვდომი, დაიმუშავეთ ხელები სპირტის შემცველი ხსნარით;
• დაუბანელი ხელებით არ შეეხოთ –  სახეს, ცხვირს, თვალებს;
• ხელების დაბანა არის მარტივი და ძალიან ეფექტური ხერხი ვირუსებისგან დასაცავად.

როგორ უნდა დავიბანო ხელები სწორად?

• ნაბიჯი 1: დაისველეთ ხელები გამდინარე წყლით

• ნაბიჯი 2: წაისვით საკმარისი საპონი, რომ დაიფაროს სველი ხელები
• ნაბიჯი 3: კარგად დაიმუშავეთ ხელის ყველა უბანი - ხელის მტევნის ზურგი, ადგილები თითებს შორის და ფრჩხილების ქვეშ - მინიმუმ 20 წამის განმავლობაში .
• ნაბიჯი 4: კარგად ჩამოიბანეთ გამდინარე წყლით.
• ნაბიჯი 5: გაიმშრალეთ ხელები ქსოვილის სუფთა პირსახოცით ან ქაღალდის ხელსახოცით.

წყლის ხარისხის უზრუნველყოფა და მუდმივი კონტროლი შპს „საქართველოს გაერთიანებული წყალმომარაგების კომპანიისა“ და შესაბამისი მუნიციპალური სამსახურების ვალდებულებაა.

წყლის ხარისხთან დაკავშირებული პრობლემის არსებობის შემთხვევაში დაუკავშირდით შპს „საქართველოს გაერთიანებული წყალმომარაგების კომპანიის“ ცხელ ხაზს: (+995) 32 293 00 00

კომპანიის მისამართი:

თბილისი, ანა პოლიტსკოვსკაიას #5

ელ. ფოსტა: info@water.gov.ge

ვებ-საიტი : water.gov.ge

• აადუღეთ წყალი სუფთა ჭურჭელში მინიმუმ 3 წუთის განმავლობაში
• გაუვნებელყოფილი წყალი შეინახეთ სუფთა, თავდახურულ ჭურჭელში, რათა დაიცვათ შემდგომი დაბინძურებისაგან

• პლასტმასის ბოთლი შტამპით 01 (PET ან PETE) უსაფრთხოა ერთხელ გამოყენებისთვის. მაგრამ, თუ მას მზეზე გავაჩერებთ, ან ჩავასხამთ თბილ წყალს, სახიფათო იქნება ჯანმრთელობისთვის.
• გახსოვდეთ, თუ წყლისთვის განკუთვნილ პლასტმასის, მრავალჯერადი მოხმარების ბოთლებს ხშირად არ გარეცხავთ თბილი, საპნიანი ან ძმრიანი წყლით, მათგან წყლის დალევა შესაძლოა, სახიფათო იყოს.
• კატეგორიულად დაუშვებელია წყლის განთავსება არასასურსათო გამოყენების ჭურჭელში.
• წყლის შესანახად უმჯობესია, გამოიყენოთ შუშის ან ემალის   ჭურჭელი.

უსაფრთხო წყალზე, სანიტარულ და ჰიგიენურ სერვისებზე წვდომა ქალებს და გოგონებს უქმნის განვითარების დამატებით შესაძლებლობებს!

• ქალები და გოგონები ყოველდღიურად 200 მილიონ საათს ხარჯავენ თავისი ოჯახებისთვის წყლის შეგროვებაზე[1].
• ქალები ორჯერ უფრო მეტ დროს უთმობენ აუნაზღაურებელ სამუშაოებს (დასუფთავება, საჭმლის მომზადება, რეცხვა და ა.შ.) ვიდრე კაცები. წყლის ნაკლებობაც მათზე ორჯერ მეტ გავლენას ახდენს.
• წყალმომარაგება, სანიტარულ და ჰიგიენურ სერვისებზე წვდომა ამცირებს საოჯახო საქმეებისთვის საჭირო დროს და დადებითად მოქმედებს ქალების ჯანმრთელობაზე.
• ქალებს და გოგონებს აქვთ შესაძლებლობა დაზოგილი დრო დაუთმონ სწავლას, მუშაობას და განვითარებას.

იყავი აქტიური, ჩაერთე წყლის პროექტების მართვაში და შეიტანე შენი წვლილი წყლის, წყალარინების სისტემის გაუმჯობესებაში.

წყლის ხარისხის უზრუნველყოფა და მუდმივი კონტროლი შპს „საქართველოს გაერთიანებული წყალმომარაგების კომპანიისა“ და შესაბამისი მუნიციპალური სამსახურების ვალდებულებაა.

წყლის ხარისხთან დაკავშირებული პრობლემის არსებობის შემთხვევაში დაუკავშირდით შპს „საქართველოს გაერთიანებული წყალმომარაგების კომპანიის“ ცხელ ხაზს: (+995) 32 293 00 00

კომპანიის მისამართი:

თბილისი, ანა პოლიტკოვსკაიას #5

ელ. ფოსტა: info@water.gov.ge

ვებ-საიტი : water.gov.ge

პლანეტის უდიდესი ნაწილი წყლით არის დაფარული, უფრო ზუსტად კი დედამიწის 71% წყალს უკავია, რომელიც ოკეანეების, ზღვების, მდინარეების, ტბების, ჭაობების, ყინულოვანი თუ თოვლიანი საფარის სახით არის წარმოდგენილი. მიუხედავად წყლის სიუხვისა, სულ რაღაც 2,5% არის მტკნარი წყალი, მოხმარებისთვის ვარგისი. თუმცა, მტკნარი წყლის უდიდესი ნაწილის გამოყენება ადამიანისთვის მიუწვდომელია თანამედროვე ტექნოლოგიების პირობებშიც კი. ადამიანს შეუძლია არსებული მტკნარი წყლის 0.3%-ს წყლის მოხმარება.

წყალი საჭიროა სოფლის მეურნეობაში, მრეწველობაში, საკვების, წამლების და კომპიუტერული მიკროსქემის წარმოებაშიც კი. წყლის მოხმარება მუდმივად იზრდება, შესაბამისად, იზრდება წყლის დეფიციტიც. წყლის რაოდენობის სიმცირემ შესაძლოა სერიოზული პრობლემები შექმნას ჰიგიენის დაცვის კუთხით და გამოიწვიოს ჯანმრთელობის პრობლემები, რაც ქალებისა და გოგოებისთვის აუნაზღაურებელი შრომის გაზრდილ ტვირთს უკავშირდება.

წყლის რესურსის შემცირების ერთ-ერთი მნიშვნელოვანი მიზეზია წყლის რესურსების არასწორი გამოყენება. საქართველოში ერთ სულ მოსახლეზე წყლის საშუალო მოხმარება დღე-ღამეში უფრო მაღალია ვიდრე ევროკავშირის ქვეყნებში. თბილისის მცხოვრებნი დღე-ღამეში საშუალოდ 400 ლიტრ წყალს მოიხმარენ. წყლის მოხმარება უფრო მაღალია კერძო სახლებში, სადაც ყოველდღიურად 1000 ლიტრი წყალი მოიხმარება.   ევროკავშირის ქვეყნებში დღე-ღამეში მოხმარებული წყალი 100-200 ლიტრს შორის მერყეობს[1].

მნიშვნელოვანია საქართველოში გაიზარდოს წყლის რაციონალურად გამოყენება, დაიზოგოს და გონივრულად განიკარგოს სასმელი წყლის არსებული რესურსი.

ადამიანის საქმიანობის ყველა სფეროს გააჩნია წყლის დაზოგვისა და ეფექტურად გამოყენების პოტენციალი. მნიშვნელოვანია დამზოგავი ტექნოლოგიების დანერგვა და ადამიანების ცნობიერების გაზრდა წყლის ეფექტურად მოხმარებაზე.

რჩევები წყლის რაციონალურად გამოყენებისთვის

როგორ შეგიძლია დაზოგო წყალი შენ?!

-          მოშვებული ონკანიდან ერთ წუთში, დაახლოებით, 5-10 ლიტრი წყალი იხარჯება.

დახურე ონკანი კბილების გახეხვის დროს! თუ თქვენ გაიხეხავთ კბილებს რეკომენდირებული 2 წუთის განმავლობაში, ონკანის დახურვის შემთხვევაში თქვენ დაზოგავთ საშუალოდ 28 ლიტრ წყალს დღეში.

ნუ გარეცხავთ ჭურჭელს გამდინარე წყლის ჭავლით. ჭურჭლის გარეცხვამდე თეფშებს მოაცილეთ საჭმლის ნარჩენები, მოაგროვეთ წყალი ნიჟარაში ან ჯამში და გახსენით წყლის გამრეცხი საშუალება, მიღებულ ხსნარში დაამუშავეთ გასარეცხი ჭურჭელი და მხოლოდ ამის შემდეგ გადაავლეთ გამდინარე წყალი. ამ ხერხით, თქვენ დაზოგავთ დასახარჯი წყლის ნახევარს.

არ გაალღო გაყინული პროდუქტი გამდინარე წყალში.

-          უნიტაზის ერთ ჩარეცხვას, დაახლოებით, 3-დან- 8 ლიტრამდე წყალი ჭირდება.

გამოიყენე უნიტაზი, რომელსაც აქვს რეზერვუარი ნაკლები წყლის მოცულობით. დაარეგულირე წყლის საჭირო ნაკადი რეზერვუარის შემავსებელი მექანიზმის მეშვეობით. კვლევები ადასტურებს, რომ სასმელი წყლის დანახარჯის 1/3 ნაწილი უნიტაზის მოხმარებულ წყალზე მოდის.

-          შხაპის მიღების დროს საშუალოდ 50-დან 150 ლიტრამდე წყალი იხარჯება.

ნუ მოუშვებთ ონკანს წინასწარ, შხაპის მიღებამდე. შეარჩიეთ საშხაპე ყურმილი, რომელზე დატანილ ხვრელებსაც შეუძლიათ წყლის მცირე ნაკადის გატარება. მაქსიმალურად შეამცირეთ შხაპის მიღების დრო და არ დაგავიწყდეთ წყლის გამორთვა როცა მას არ იყენებთ.

-          სასმელი წყლის გაციების მიზნით მოშვებული ონკანიდან იღვრება, დაახლოებით, 3-5 ლიტრი წყალი

შეინახეთ წყლით სავსე ბოთლი მაცივარში, ამ ცვლილებით დღეში 250 ლიტრამდე წყალი შეგიძლიათ დაზოგოთ.

-          დაზიანებული ონკანიდან წამში ერთი წვეთი წყლის დაკარგვით, დღე-ღამეში 4-5 ლიტრი წყალი იხარჯება.

       შეაკეთეთ დაზიანებული ონკანები, მილები რათა დაზოგოთ წყალი და შესაბამისად  დაზოგოთ წყლის გადასახადი.

-          წლის განმავლობაში საშუალოდ მინიმუმ 5000 ლიტრი წყალი გამოიყენება ბაღის მოვლისთვის

ნაცვლად ონკანის წყლისა, ბაღის მოსარწყავად გამოიყენეთ შეგროვებული წვიმის წყალი.

სწორად შეარჩიეთ ბაღის მორწყვის დრო. იმ საათებში როდესაც ტემპერატურა მაღალია და აორთქლება ხდება, გამოყენებული წყლის ნაწილი მცენარეებამდე ვერ აღწევს და ორთქლდება. მორწყეთ თქვენი ბაღი დილით ან საღამოს, რათა ნაკლები წყლის რაოდენობით მოხდეს მიწის დატენიანება.

წყლის ხარისხის უზრუნველყოფა და მუდმივი კონტროლი შპს „საქართველოს გაერთიანებული წყალმომარაგების კომპანიისა“ მოვალეობაა.

წყლის ხარისხთან დაკავშირებული პრობლემის არსებობის შემთხვევაში დაუკავშირდით შპს „საქართველოს გაერთიანებული წყალმომარაგების კომპანიის“ ცხელ ხაზს: (+995) 32 293 00 00

კომპანიის მისამართი:

თბილისი, ანა პოლიტკოვსკაიას N-5

ელ. ფოსტა: info@water.gov.ge

ვებ-საიტი : water.gov.ge

"მომსახურების კომერციული ხარისხის წესების" დამტკიცების შესახებ" საქართველოს ენერგეტიკისა და წყალმომარაგების მარეგულირებელი ეროვნული კომისიის 2016 წლის 25 ივლისის №13 დადგენილების შესაბამისად, შ.პ.ს. "საქართველოს გაერთიანებული წყალმომარაგების კომპანიამ" მიმდინარე წელს მომხმარებელთა მომსახურების ხარისხის გაუმჯობესების მიზნით, დანერგა მოკლე ტექსტური შეტყობინების სერვისი.
მომხმარებელი მოკლე ტექსტური შეტყობინებით შემდეგი სახის ინფორმაციას მიიღებს:
აბონენტის განცხადების და საპასუხო დოკუმენტის დარეგისტრირების შესახებ;

სასმელი წყლით მომარაგების გეგმიური და არაგეგმიური წყვეტებისა და აღდგენის თაობაზე;

წყალმომარაგების და წყალარინების საფასურის გადახდის ბოლო ვადის შესახებ;

ამასთან, კომპანია სასმელი წყლით მომარაგების გეგმიური და არაგეგმიური წყვეტებისა და აღდგენის თაობაზე ინფორმაციას აქვეყნებს საკუთარ ვებ გვრედზე (Water.gov.ge) და www.iregions.ge .

"სასმელი წყლის მიწოდებისა და მოხმარების წესების დამტკიცების შესახებ" საქართველოს ენერგეტიკისა და წყალმომარაგების მარეგულირებელი ეროვნული კომისიის 2008 წლის 26 ნოემბერის №32 დადგენილების შესაბამისად, შ.პ.ს. "საქართველოს გაერთიანებული წყალმომარაგების კომპანია" უზრუნველყოფს თავის აბონენტებს:

90046 ნომერზე "111" სიმბოლოს გაგზავნის შემთხვევაში, საქმისწარმოების ნებისმიერ ეტაპზე განმეორებით მიაწოდოს მიღებული შეტყობინება;

90046 ნომერზე "222#" სიმბოლოსა და ახალი ნომრის/ელექტრონული მისამართის გაგზავნის შემთხვევაში განახორციელოს აბონენტის ნომრისა და ელექტრონული მისამართის ავტომატური ცვლილება.

საქართველოს გაერთიანებული წყალმომარაგების კომპანია მომხმარებელთა მომსახურების ხარისხის გაუმჯობესების მიზნით, თხოვნით მიმართავს აბონენტებს, ითანამშრომლონ კომპანიასთან და მოახდინონ თავიანთი მობილური ტელეფონის ნომრების/ელექტრონული მისამართების მოწოდება სააბონენტო ბარათში დაფიქსირების მიზნით. სატელეფონო და ელექტრონული მისამართების მოწოდება ასევე შესაძლებელია ცხელი ხაზის მეშვეობით (2 93 00 00).

პატივცემულო აბონენტებო!

გაცნობებთ, რომ წყალმომარაგების ტარიფების შესახებ “საქართველოს ენერგეტიკისა და წყალმომარაგების მარეგულირებელი ეროვნული კომისიის 2010 წლის 17 აგვისტოს №17 დადგენილების პირველი მუხლის „ბ“ ქვეპუნქტის და შპს „საქართველოს გაერთიანებული წყალმომარაგების კომპანიის“ დირექტორის 2017 წლის 29 მარტის #125 ბრძანების შესაბამისად, დაბა თიანეთის გაუმრიცხველიანებელი საყოფაცხოვრებო მომხმარებლებისათვის განისაზღვრა წყალმომარაგების ახალი ტარიფი: ა) სასმელი წყლის მიწოდება - 2,01 ლარი/1 სულზე/თვეში.

მოხმარებული სასმელი წყლის საფასურის დარიცხვა, აღნიშნული ტარიფის შესაბამისად, განხორციელდება მიმდინარე წლის 1 მაისიდან.

დამატებითი შეკითხვების შემთხვევაში, გთხოვთ, დაუკავშირდეთ კომპანიის ცხელ ხაზს, ნომერზე: +995 32 293 00 00

როგორ ხორციელდება  წყლის ხარისხის მონიტორინგი?

საქართველოს გაერთიანებული წყალმომარაგების კომპანია წყლის ხარისხის მონიტორინგს ახორციელებს ლაბორატორიული ქსელით, რომელიც მოიცავს 8 რეგიონულ და 35 სერვის ცენტრის ლაბორატორიებს.

 რეგიონული ლაბორატორიები განთავსებულია შემდეგ ქალაქებში: ბოლნისი, გორი, წყალტუბო, ქუთაისი, ოზურგეთი, ფოთი, ახალციხე და თელავი.

რა აპარატურით ხდება წყლის ხარისხის კონტროლი?

ლაბორატორიები აღჭურვილია შემდეგი აპარატურით: ქიმიური ანალიზებისთვის-

ფოტომეტრი AL-400-iT, პორტატული PH-მზომი sd 50 და condi-ის მზომი sd 70 –ის

აპარატი, ხოლო ბაქტერიოლოგიური კვლევებისათვის - აპარატი ,, TRAVAS“-ი. აგრეთვე

ქიმიური და მიკრობიოლოგიური ანალიზებისათვის საჭირო შემდეგი სახის დანადგარებით:

წყლის დისტილატორი, საშრობი კარადა, მიკრობიოლოგიური ინკუბატორი, ელექტრო

სასწორი, ავტოკლავი და მუფელის ღუმელი.

რა ინტერვალით ხორციელდება წყლის ხარისხის მონიტორინგი?

ტექნიკური რეგლამენტისა და კომპანიის მიერ დამტკიცებული გეგმა-გრაფიკის მიხედვით სისტემატურად მიმდინარეობს ნედლი (სათავეებზე არსებული) და დამუშავებული (ქსელში არსებული) წყლის მონიტორინგი და ყოველდღიურად ტარდება ორგანოლეპტიკური, ქიმიური და მიკრობიოლოგიური ანალიზები. 

სასმელი წყლის მომხმარებელთა საყურადღებოდ!

რა არის  წყლის მრიცხველის შესამოწმებელი სპეციალიზირებული სტენდი?

წყლის მრიცხველის შესამოწმებელი სპეციალიზირებული სტენდი  - ეს არის ლაბორატორია, რომელიც საშუალებას იძლევა მომხმარებელმა და ნებისმიერმა დაინტერესებულმა პირმა, გაარკვიოს საკუთარი წყლის მრიცხველის მუშაობის სიზუსტე და დადგენილი წესით მიიღოს ოფიციალური ცნობა მრიცხველის ვარგისიანობისა და ცდომილების სიდიდის შესახებ. ცნობას გასცემს "საქსტანდარტი".

სად შეიძლება რომ შევამოწმოთ მრიცხველი?

მრიცხველის შემოწმება შესაძლებელია შემდეგ მისამართებზე:

ქ. მცხეთა, ზაჰესი, წინამძღვრიშვილის 17ბ                   

ქ. ქუთაისი, გუგუნავას ქუჩა # 12                                 

რა შემთხვევაში შემიძლია ვისარგებლო მრიცხველის შემოწმების სერვისით?

იმ შემთხვევაში თუ მიგაჩნიათ, რომ თქვენი მრიცხველი იმაზე მეტ გახარჯულ წყალს აღრიცხავს ვიდრე თქვენ მოიხმართ.

ვის შეუძლია მრიცვხელის შემოწმება?

მრიცხველის შემოწმება შეუძლია ნებისმიერ ფიზიკურ და იურიდიულ პირს საქართველოს მასშტაბით, რომელიც სარგებლობს წყლის მრიცხველით.

რა დოკუმენტაცია არის საჭირო მრციხველის შესამოწმებლად?

მრიცხველის შემოწმების სურვილის შემთხვევაში საჭიროა მობრძანდეთ  კომპანიის სერვის ცენტრებში საქართველოს მასშტაბით და შეავსოთ განაცხადის ფორმა.

შეუძლია თუ არა აბონენტს განაცხადის გარეშე თვითნებურად მოხსნას ან დაამონტაჟოს მრიცხველი ?

განაცხადის გარეშე მრიცხველის მოხსნა/დამონტაჟება დაუშვებელია. თვითნებურად მოსხნის შემთხვევაში აბონენტი დაჯარიმდება „საქართველოს ენერგეტიკისა და წყალმომარაგების მარეგულირებელი ეროვნული კომისიის“ 32 დადგენილების მიხედვით. მრიცხველის მოხსნა/დამონტაჟება დაშვებულია  მხოლოდ კომპანიის წარმომადგენლის მიერ.

რა დრო სჭირდება მრიცხველის შემოწმებას?

მრიცხველი მოწმდება 3 დღის ვადაში.

რა სიხშირით შემიძლია მრიცხველის შემოწმება?

აბონენტს შეუძლია მრიცხველის შემოწმება (არაგეგმიური) ნებისმიერ მისთვის სასურველ დროს.

ფასიანი არის თუ არა შემოწმება?

მომხმარებლის მოთხოვნის საფუძველზე სასმელი წყლის მრიცხველის არაგეგმურ შემოწმებასთან დაკავშირებულ ხარჯებს იხდის მომხმარებელი, გარდა შემდეგი შემთხვევებისა: თუ სასმელი წყლის მრიცხველის გეგმური შემოწმების პერიოდი ან შემოწმების ვადა გადაცილებულია, ასევე, თუ სასმელი წყლის მრიცხველის ცდომილება არ შეესაბამება მის დაშვებულ საპასპორტო ცდომილებას.

შემოწმება ფასიანია და მრიცხველის დიამეტრების მიხედვით შეადგენს:

d 15, d20 –    14 ლარი

d 25  –    22 ლარი

d32  –    30 ლარი

d40  –    55  ლარი

d50 –    70 ლარი

როგორ ხდება მრიცხველის შემოწმების საფასურის გადახდა?

მრიცხველის შემოწმების საფასურის გადახდა შესაძლებელია ადგილზე.

რა ხდება იმ შემთხვევაში თუ მრიცხველი გამართულია?

შემოწმების შედეგად თუ დადგინდება, რომ მრიცხველი მუშაობს დადგენილი სტანდარტის შესაბამისად (ISO464; ГОСТ 8.156-83) აბონენტის განაცხადის საფუძველზე  კომპანიის წარმომადგენელი დაუმონტაჟებს შემოწმებულ მრიცხველს.

რა შემთხვევაში ითვლება მრიცხველი დაზიანებულად?

თუ შემოწმების შედეგად დადგინდება მრიცხველის ცდომილება ცდება სტანდარტით დადგენილ ნორმებს.

როგორ მოვიქცე თუ შემოწმების შედეგად დადგინდა მრიცხველის უვარგისობა?

მრიცხველის უვარგისობის დადგენის შემთხვევაში საჭიროა მისი ახლით შეცვლა.

როგორ გადავიხდი მოხმარებული წყლის საფასურს მრიცხველის შემოწმების პერიოდში?

მრიცხველის შემოწმების პერიოდში კომპანიის მიერ მონტაჟდება დროებითი მრიცხველი ან დარიცხვა ხორციელდება წყლის საშუალო მოხმარების მიხედვით, "საქართველოს ენერგეტიკისა და წყალმომარაგების მარეგულირებელი ეროვნული კომისიის" დადგენილების თანახმად.

სამუშაო საათები:

ორშაბათი -პარასკევი  09:00-დან 18:00-მდე