საქართველოს რეგიონული განვითარებისა და ინფრასტრუქტურის სამინისტროს გაერთიანებული წყალმომარაგების კომპანია ქალაქ გურჯაანში წყალმომარაგების სისტემის რეაბილიტაციის პროექტს ახორციელებს. პროექტით გათვალისწინებული სამუშაოები დასრულების ეტაპზეა.

პროექტი ითვალისწინებს ვაზისუბნის არსებული სათავე ნაგებობის, I და II აწევის სატუმბი სადგურებისა და მათთან დაკავშირებული ინფრასტრუქტურის სრულ რეაბილიტაციას.

პროექტის ფარგლებში რეაბილიტირდა 5 რეზერვუარი, მოეწყო 18.2 კმ სიგრძის მაგისტრალური მილსადენი და 25.3 კმ წყალმომარაგების ქსელი. გარდა ამისა, დამონტაჟდა 19 სახანძრო ჰიდრანტი და 4100 ერთეული AMR ტიპის აღრიცხვის კვანძი.

ქალაქ გურჯაანში წყალმომარაგების სისტემა ექსპლუატაციაში უკვე გაშვებულია. პროექტით გათვალისწინებული სამუშაოების დასრულების შედეგად, 24-საათიანი, უწყვეტი წყალმომარაგება 10 300-მდე ბენეფიციარისთვის იქნება უზრუნველყოფილი.