სიახლეები
საქართველოს გაერთიანებული წყალმომარაგების კომპანია
საქართველოს გაერთიანებული წყალმომარაგების კომპანია

საქართველოს გაერთიანებული წყალმომარაგების კომპანიის დირექტორი ბესიკ ჯიქურაული, მოადგილეებთან ერთად, მსოფლიო ბანკის მიერ ორგანიზებულ სამუშაო შეხვედრას “საქართველოს წყლისა და წყალარინების სექტორის სტრატეგიული დიალოგი“ დაესწრო. შეხვედრის ფარგლებში ყურადღება გამახვილდა წყლისა და წყალარინების სექტორის განვითარების ძირითად მიმართულებებზე, მათ შორის, კომუნალური მომსახურების ეფექტიანობისა და ოპერაციული საქმიანობის გაუმჯობესებაზე, ჩამდინარე წყლების მართვის საკითხებსა და კერძო სექტორის ჩართულობის შესაძლებლობებზე. მონაწილეებმა განიხილეს სექტორში არსებული მდგომარეობა, სტრატეგიული პრიორიტეტები და ძირითადი გამოწვევები. მსოფლიო ბანკის ექსპერტებმა და სექტორის წარმომადგენლებმა ასევე იმსჯელეს საინვესტიციო გეგმებზე, დაფინანსების საჭიროებებსა და ფინანსური მდგრადობის უზრუნველყოფის საკითხებზე. დიალოგის ფარგლებში განსაკუთრებული ყურადღება დაეთმო საქართველოს წყლისა და წყალარინების სექტორის შემდგომი განვითარების პრიორიტეტებს და იმ ნაბიჯებს, რომლებიც ინფრასტრუქტურის ეფექტიანობის, მომსახურების ხარისხისა და სექტორის მდგრადობის გაუმჯობესებას შეუწყობს ხელს. შეხვედრას საქართველოს რეგიონული განვითარებისა და ინფრასტრუქტურის მინისტრის მოადგილე მზია გიორგობიანი, საქართველოს ფინანსთა მინისტრის მოადგილე ეკატერინე გუნცაძე, მსოფლიო ბანკის, საერთაშორისო ორგანიზაციებისა და წყლის სექტორის წარმომადგენლები ესწრებოდნენ.
ბოლო განახლებები და მნიშვნელოვანი ინფორმაცია

18 ნოემბერი, 2026
სამტრედიაში საქართველოს გაერთიანებული წყალმომარაგების კომპანია წყალმომარაგებისა და წყალარინების სისტემების მშენებლობის ოთხ პროექტს ახორციელებს.

18 ნოემბერი, 2026
ქალაქ თერჯოლაში წყალმომარაგების სისტემის რეაბილიტაცია დასკვნით ეტაპზეა. პროექტის დასრულების შემდეგ 5 330-მდე ადგილობრივი მცხოვრები 24-საათიანი, უწყვეტი წყალმომარაგებით ისარგებლებს.

16 ნოემბერი, 2026
საქართველოს ბიზნეს ასოციაციის (BAG) ორგანიზებით გამართულ ღონისძიებაზე რევაზ სოხაძემ მონაწილეობა მიიღო პანელურ დისკუსიაში „საქართველოს ეკონომიკური გარემო, გამოწვევები, პრიორიტეტები და განვითარების პერსპექტივები“.

12 ნოემბერი, 2026
სოფელ კაჭრეთსა და ზემო კაჭრეთში 24-საათიანი, უწყვეტი წყალმომარაგებით 3 400-მდე ბენეფიციარი უკვე სარგებლობს.

11 ნოემბერი, 2026
საქართველოს რეგიონული განვითარებისა და ინფრასტრუქტურის სამინისტროს გაერთიანებული წყალმომარაგების კომპანია ქალაქ გურჯაანში წყალმომარაგების სისტემის რეაბილიტაციის პროექტს ახორციელებს.

31 აგვისტო, 2026
ოზურგეთის მუნიციპალიტეტში მოსულმა უხვმა ნალექმა მდინარეების ადიდება და წყლის ნაკადის მკვეთრი მატება გამოიწვია. სტიქიურმა პროცესებმა მნიშვნელოვანი ზიანი მიაყენა დაბა ნარუჯის წყალმომარაგების სისტემას.