საქართველოს გაერთიანებული წყალმომარაგების კომპანია

სიახლეები

საქართველოს გაერთიანებული წყალმომარაგების კომპანია

ინფრასტრუქტურის სამინისტროში წყალმომარაგებისა და წყალარინების სექტორში მომუშავე კომპანიებთან სამუშაო შეხვედრა გაიმართა

ინფრასტრუქტურის სამინისტროში წყალმომარაგებისა და წყალარინების სექტორში მომუშავე კომპანიებთან სამუშაო შეხვედრა გაიმართა
31 ივლისი, 2026

ინფრასტრუქტურის მინისტრის მოადგილემ გიორგი კობერიძემ და შპს „საქართველოს გაერთიანებული წყალმომარაგების კომპანიის“ დირექტორმა ბესიკ ჯიქურაულმა წყალმომარაგებისა და წყალარინების სექტორში საპროექტო და სამშენებლო მიმართულებით მომუშავე კომპანიების წარმომადგენლებთან სამუშაო შეხვედრა გამართეს.

შეხვედრის მთავარი მიზანი იყო სექტორში მომუშავე კომპანიების აქტიური ჩართულობის ხელშეწყობა, მათი გამოცდილებისა და მოსაზრებების გაზიარება, ასევე იმ გამოწვევების განხილვა, რომლებიც წყალმომარაგებისა და წყალარინების პროექტების დაგეგმვისა და განხორციელების პროცესში იკვეთება.

როგორც გიორგი კობერიძემ აღნიშნა, ინფრასტრუქტურის სამინისტროს წყალმომარაგებისა და წყალარინების მიმართულებით მსხვილი პროექტების განხორციელება აქვს დაგეგმილი, მათ შორის, ქვეყნის მასშტაბით დამატებით 80-მდე სოფელში წყალმომარაგების საპროექტო და სამშენებლო სამუშაოები და 16 მუნიციპალიტეტში წყალარინების და გამწმენდი ნაგებობების სისტემების საპროექტო და სამშენებლო სამუშაოები.

„ჩვენი მიზანია, მოვისმინოთ თქვენი მოსაზრებები და შევქმნათ სამართლიანი და კომფორტული სამუშაო გარემო“- განაცხადა მან.

შეხვედრაზე განსაკუთრებული ყურადღება დაეთმო საპროექტო კომპანიების როლს წყალმომარაგებისა და წყალარინების სისტემების განვითარებაში. აღინიშნა, რომ მაღალი პროფესიული სტანდარტით შესრულებული პროექტირება ინფრასტრუქტურული პროექტების ხარისხიანად და დადგენილ ვადებში განხორციელების ერთ-ერთი უმნიშვნელოვანესი წინაპირობაა.

მხარეებმა განიხილეს სექტორში მიმდინარე და დაგეგმილი პროექტები, საპროექტო პროცესში არსებული ძირითადი გამოწვევები, ასევე სამომავლო თანამშრომლობის პრიორიტეტული მიმართულებები. შეხვედრის ფარგლებში კონტრაქტორებმა საკუთარი მოსაზრებები, რეკომენდაციები და საჭიროებები წარმოადგინეს.

დისკუსიის ფარგლებში ასევე იმსჯელეს იმ ცვლილებებზე, რომლებიც სამშენებლო სექტორის ეფექტიანობის გაზრდას შეუწყობს ხელს. განსაკუთრებული ყურადღება გამახვილდა პროექტირების ხარისხის გაუმჯობესებაზე.

შეხვედრის დასასრულს მინისტრის მოადგილემ დარგის წარმომადგენლებს თანამშრომლობისთვის მადლობა გადაუხადა და აღნიშნა, რომ მსგავსი ფორმატის შეხვედრები მნიშვნელოვანია სექტორში არსებული გამოწვევების, ხედვებისა და წინადადებების გაზიარებისთვის. მხარეები თანამშრომლობის გაგრძელებასა და მსგავსი სამუშაო შეხვედრების რეგულარულად გამართვაზე შეთანხმდნენ.

სხვა სიახლეები

ბოლო განახლებები და მნიშვნელოვანი ინფორმაცია

ყველა სიახლე
რევაზ სოხაძე - ჩვენი პრიორიტეტია ხარისხიანი ინფრასტრუქტურის განვითარება და ძლიერი ქართული კომპანიების ჩამოყალიბების ხელშეწყობა

16 ნოემბერი, 2026

რევაზ სოხაძე - ჩვენი პრიორიტეტია ხარისხიანი ინფრასტრუქტურის განვითარება და ძლიერი ქართული კომპანიების ჩამოყალიბების ხელშეწყობა

საქართველოს ბიზნეს ასოციაციის (BAG) ორგანიზებით გამართულ ღონისძიებაზე რევაზ სოხაძემ მონაწილეობა მიიღო პანელურ დისკუსიაში „საქართველოს ეკონომიკური გარემო, გამოწვევები, პრიორიტეტები და განვითარების პერსპექტივები“.

წაიკითხე მეტი
სოფელ კაჭრეთსა და ზემო კაჭრეთში წყალმომარაგების სისტემის გაუმჯობესების სამუშაოები დასრულებულია

12 ნოემბერი, 2026

სოფელ კაჭრეთსა და ზემო კაჭრეთში წყალმომარაგების სისტემის გაუმჯობესების სამუშაოები დასრულებულია

სოფელ კაჭრეთსა და ზემო კაჭრეთში 24-საათიანი, უწყვეტი წყალმომარაგებით 3 400-მდე ბენეფიციარი უკვე სარგებლობს.

წაიკითხე მეტი
ქალაქ გურჯაანში წყალმომარაგების სისტემის რეაბილიტაცია დასრულების ეტაპზეა

11 ნოემბერი, 2026

ქალაქ გურჯაანში წყალმომარაგების სისტემის რეაბილიტაცია დასრულების ეტაპზეა

საქართველოს რეგიონული განვითარებისა და ინფრასტრუქტურის სამინისტროს გაერთიანებული წყალმომარაგების კომპანია ქალაქ გურჯაანში წყალმომარაგების სისტემის რეაბილიტაციის პროექტს ახორციელებს.

წაიკითხე მეტი
ბესიკ ჯიქურაული მსოფლიო ბანკის მიერ ორგანიზებულ სამუშაო შეხვედრას „საქართველოს წყლისა და წყალარინების სექტორის სტრატეგიული დიალოგი“ დაესწრო

7 ოქტომბერი, 2026

ბესიკ ჯიქურაული მსოფლიო ბანკის მიერ ორგანიზებულ სამუშაო შეხვედრას „საქართველოს წყლისა და წყალარინების სექტორის სტრატეგიული დიალოგი“ დაესწრო

შეხვედრის ფარგლებში ყურადღება გამახვილდა წყლისა და წყალარინების სექტორის განვითარების ძირითად მიმართულებებზე, მათ შორის, კომუნალური მომსახურების ეფექტიანობისა და ოპერაციული საქმიანობის გაუმჯობესებაზე, ჩამდინარე წყლების...

წაიკითხე მეტი
სტიქიის შედეგად დაბა ნარუჯის წყალმომარაგების ინფრასტრუქტურა მნიშვნელოვნად დაზიანდა

31 აგვისტო, 2026

სტიქიის შედეგად დაბა ნარუჯის წყალმომარაგების ინფრასტრუქტურა მნიშვნელოვნად დაზიანდა

ოზურგეთის მუნიციპალიტეტში მოსულმა უხვმა ნალექმა მდინარეების ადიდება და წყლის ნაკადის მკვეთრი მატება გამოიწვია. სტიქიურმა პროცესებმა მნიშვნელოვანი ზიანი მიაყენა დაბა ნარუჯის წყალმომარაგების სისტემას.

წაიკითხე მეტი
მუხრანში წყალმომარაგების ახალი სისტემა მოეწყო — მიმდინარეობს საგზაო ინფრასტრუქტურის რეაბილიტაციაც

26 აგვისტო, 2026

მუხრანში წყალმომარაგების ახალი სისტემა მოეწყო — მიმდინარეობს საგზაო ინფრასტრუქტურის რეაბილიტაციაც

17 მილიონი ლარის ღირებულების პროექტის ფარგლებში მოეწყო ცენტრალური მაგისტრალური მილსადენი, ახალი ჭაბურღილი, რეზერვუარი, წყალმომარაგების ქსელი, საქლორატორო და სისტემის გამართული ფუნქციონირებისთვის საჭირო სხვა ინფრასტრუქტუ...

წაიკითხე მეტი