შპს ,,საქართველოს გაერთიანებული წყალმომარაგების კომპანია’’ აცხადებს კონკურსს შემდეგ თანამდებობებზე

  ანცხადება

 

შპს ,,საქართველოს გაერთიანებული წყალმომარაგების კომპანია’’ აცხადებს კონკურსს შემდეგ თანამდებობებზე:

·         პროექტირების დეპარტამენტის  სპეციალისტი;

·         შესყიდვების სპეციალისტი;

·         წყალმომარაგების და წყალარინების ინჟინერი;

·         წყალმომარაგების დეპარტამენტის სპეციალისტი;

·         მშენებლობის დეპარტამენტის მშენებლობის ტექნიკური ზედამხედველობის სამმართველის სპეციალისტი;

·         მშენებლობის დეპარტამენტის მშენებლობის აუდიტის სამმართველოს სპეციალისტი;

·         საინფორმაციო ტექნოლოგიების დეპარტამენტის ტექნიკური და კავშირგაბმულობის სამმართველოს სპეციალისტი;

·         საინფორმაციო ტექნოლოგიების დეპარტამენტის პროგრამული უზრუნველყოფის სამმართველოს სპეციალისტი.

 

კონკურსანტები  უნდა აკმაყოფილებდნენ შემდეგ საკვალიფიკაციო მოთხოვნებს:

ა) უმაღლესი  განათლება;

ბ) იგივე ან ანალოგიურ სფეროში მუშაობის მინიმუმ 2 წლიანი  გამოცდილება

 

პიროვნული მოთხოვნები:

 

ორგანიზებულობა, დისციპლინირებულობა, ანალიტიკური აზროვნების უნარი, გადაწყვეტილებების მიღების და საკუთარი იდეების შემოთავაზების უნარი, ფუნქციების დელეგირების უნარი. კონტროლის და მონიტორინგის უნარი.

 

კონკურსის ეტაპები

კონკურსი შედგება ორი ეტაპისაგან:

I ეტაპი _  შემოსული სააპლიკაციო ფორმების (ანკეტების) სელექცია (შერჩევა);

II ეტაპი _  სააპლიკაციო ფორმების (ანკეტების) განხილვის შედეგად შერჩეულ კანდიდატებთან  გასაუბრება.

 

სააპლიკაციო ფორმის  (ანკეტის) გადმოსაწერად მიჰყევით ამ ბმულს სააპლიკაციო ფორმა.

კონკურსანტები, რომლებიც წარმატებით  გაივლიან პირველ ეტაპს ვალდებულნი არიან გასაუბრებაზე წარმოადგინონ:

ა)   პირადობის მოწმობის ან პასპორტის ასლი;

ბ)   ფოტო სურათი  3X4;

გ)   უმაღლესი განათლების დამადასტურებელი დოკუმენტის ასლი.

 

კონკურსში მონაწილეობის მიღების მსურველებმა შევსებული სააპლიკაციო ფორმა არაუგვიანეს 2010 წლის  24  ოქტომბრისა  უნდა გამოაგზავნონ   შემდეგ ელექტრონულ მისამართზე: konkursi@water.gov.ge  ან წარადგინონ კომპანიის სათაო ოფისში შემდეგ მისამართზე: ანა პოლიტკოვსკაიას (ყოფილი ჯიქიას) 5.

სხვა ამბები:

გაერთიანებული წყალმომარაგების კომპანიის განცხადება
24 მაისი, 2015
დღეს, ახმეტაში  ადგილობრივი მოსახლეობის საპროტესტო აქცია გაიმართა. ადგილობრივი მოსახლეობა გამრიცხველიანების პროცესის შეჩერებას და დავალიანების ჩამოწერას ითხოვს. მოსახლეობას მიაჩნია, რომ დავალიანება არ შეესაბამება მათ მიერ რეალურად მოხმარებული წყლის რაოდენობას. ჩატარებულ საპროტესტო აქციასთან დაკავშირებით, საქართველოს გაერთიანებული წყალმომარაგების კომპანია გაცნობებთ, რომ საქართველოს წყალმომარაგების კომპანიაში უკვე შეიქმნა  კომისია, რომელიც დეტალურად განიხილავს ყველა  აბონენტის მოთხოვნას.
დაბა ასპინძაში წყალმომარაგების სისტემის რეაბილიტაცია მიმდინარეობს
19 მაისი, 2015
საქართველოს რეგიონული განვითარებისა და ინფრასტრუქტურის სამინისტროს საქართველოს გაერთიანებული წყალმომარაგების კომპანია და მუნიციპალური განვითარების ფონდი ევროპის საინვესტიციო ბანკის დაფინანსებით დაბა ასპინძაში  წყალმომარაგების სისტემის რეაბილიტაციას ახორციელებს. პროექტის ღირებულება ნახევარ მილიონ ლარზე მეტია. პროექტის განხორციელების შედეგად დაბა ასპინძაში მცხოვრებ 600 ოჯახს გაუუმჯობესდება როგორც წყლის გრაფიკი, ასევე წყლის ხარისხი. მიმდინარე სამუშაოები დღეს საქართველოს გაერთიანებული წყალმომარაგების კომპანიის დირექტორმა, ვლადიმერ ლაზარიშვილმა ადგილობრივი ხელისუფლების წარმომადგენლებთან ერთად დაათვალიერა და მშენებლობის ხარისხი შეამოწმა. 
ახალციხეში მცხოვრები 600 ოჯახი 24-საათიან წყალმომარაგებას მიიღებს
17 მაისი, 2015
საქართველოს რეგიონული განვითარებისა და ინფრასტრუქტურის სამინისტროს საქართველოს გაერთიანებული წყალმომარაგების კომპანია და მუნიციპალური განვითარების ფონდი ევროპის საინვესტიციო ბანკის დაფინანსებით ახალციხის მუნიციპალიტეტში  წყალმომარაგების სისტემის რეაბილიტაციას ახორციელებს. პროექტის ღირებულება 2 მილიონ ლარამდეა. მისი განხორციელების შედეგად ახალციხეში მცხოვრებ 600 ოჯახს 24 - საათიანი წყალმომარაგება ექნება. ამასთანავე მნიშვნელოვნად გაუმჯობესდება წყლის ხარისხი და შემცირდება წყლის დანაკარგი. მიმდინარე სამუშაოები დღეს საქართველოს გაერთიანებული წყალმომარაგების კომპანიის დირექტორმა, ვლადიმერ ლაზარიშვილმა ტენდერში გამარჯვებული სამშენებლო კომპანიის „ასნაფი“-ს პროექტის ხელმძღვანელთან ერთად დაათვალიერა და მშენებლობის ხარისხი შეამოწმა.
კანალიზაციის გამწმენდი ნაგებობის მშენებლობა ურეკში
29 აპრილი, 2015
  დღეს საქართველოს გაერთიანებული წყალმომარაგების კომპანიაში, ხელი მოეწერა  ხელშეკრულებას ურეკში გამწმენდი ნაგებობის მშენებლობის შესახებ.
ქუთაისის წყალმომარაგების სისტემის მშენებლობა-რეაბილიტაციაზე 86 მილიონი ლარი დაიხარჯება
23 აპრილი, 2015
დღეს საქართველოს გაერთიანებული წყალმომარაგების კომპანიაში, ხელი მოეწერა  ხელშეკრულებას ქუთაისში წყალმომარაგების სისტემის მშენებლობა - რეაბილიტაციის მეორე ფაზის შესახებ. ხელშეკრულებას ხელი მოაწერეს „საქართველოს გაერთიანებული წყალმომარაგების კომპანიის“ დირექტორმა, ვლადიმერ ლაზარიშვილმა და თურქულ კომპანია „SMK Ulusal Insaat“-ის გენერალურმა მენეჯერმა, ტაიფუნ კაიაშმა.